ကောင်းကင်တို့ ဘ၀မှာ အခက်အခဲတွေနဲ့ကြုံရတဲ့အခါ ဘယ်လို ဆက်လက်ရှင်သန်ပြီး နေထိုင်ရမလဲ။ ၀မ်းနည်းပူဆွေးရတဲ့အခါ၊ အထီးကျန်တဲ့အခါ ဘယ်လို ရပ်တည်နေနိုင်မလဲ။
ဘာမှမစိုးရိမ်ပါနဲ့ ...
တောင်တက်ရသလိုပဲ ကောင်းကင်တို့ရဲ့အခက်အခဲတွေကို ကိုင်တွယ်ဖြေရှင်းနိုင်ကြမှာပါ။ တကယ်လို့များ တောင်တက်တဲ့အခါ တောင်စွန်းတစ်နေရာမှာ ရှေ့မတိုးသာ နောက်မဆုတ်သာ ဖြစ်နေရင် ကောင်းကင်တို့ ဘယ်လိုလုပ်ကြရမလဲ။ ရှေ့ဆက်တက်ဖို့ ဘယ်လောက်ကျန်သေးလဲဆိုတာကို မေ့လိုက်ပြီး လောလောဆယ်အခြေအနေကိုပဲ အာရုံစိုက်လိုက်ပါ။ အခုအချိန်မှာ ကောင်းကင်တို့ ကြိုးစားအားထုတ်ရမှာက ရှေ့ခြေတစ်လှမ်း ဆက်လှမ်းနိုင်ဖို့ပါ။ ခြေတစ်လှမ်းအရင်လှမ်းလို့ရပြီဆိုရင် နောက်တစ်လှမ်း၊ ပြီးရင် နောက်တစ်လှမ်း။
တစ်နေ့တစ်လံ ပုဂံဘယ်ရွေ့မလဲ ဆိုသလို နောက်ဆုံးမှာတော့ ကောင်းကင်တို့အားလုံး ကျဉ်းထဲကျပ်ထဲကနေ ရုန်းထွက်နိုင်ကြမှာပါ။
နေ့စဉ်ဘ၀မှာလည်း ဒီအတိုင်းပါပဲ။ ခက်ခဲတဲ့အချိန်တွေနဲ့ ကြုံတွေ့ရတဲ့အခါ ခု လက်တလော အခြေအနေနဲ့ အချိန်ကိုပဲ အာရုံစိုက်ပါ။ တစ်ကြိမ်မှာ ပြဿနာတစ်ခုကိုပဲ ကိုင်တွယ်ဖြေရှင်းပါ။ တစ်ခုဖြေရှင်း ယုံကြည်ချက်နည်းနည်း ရလာမယ်။ နောက်ထပ် တစ်ခု၊ ပြီးတော့ နောက်ထပ်တစ်ခု။ အဲလို တစ်ခုပြီးတစ်ခု ဖြေရှင်းရင်းနဲ့ နောက်ဆုံးမှာတော့ အဆိုးဆုံးတွေကို ကျော်လွှားသွားနိုင်တာကို တွေ့ရမှာ ဖြစ်ပါတယ်။
အဓိက ကိုယ်လုပ်နိုင်တာကတော့ မျက်လုံးစုံမမှိတ်ခင်မှာ အကောင်းဆုံးဖြစ်အောင် လုပ်ဖို့ပါပဲ။ မနက်ဖြန်ဆိုတာက သူ့ဘာသာသူ ဖြစ်သွားပါလိမ့်မယ်။
Sunday, September 23, 2007
အခက်အခဲတွေနဲ့ ကြုံရတဲ့အခါ
Subscribe to:
Post Comments (Atom)
1 comment:
sis
yr post gives me strength and hope.
thanks
Post a Comment