ကိုညိုသည် အိမ်မွေးတိရစ္ဆာန်အရောင်းဆိုင်တွင် အလွန်ထူးဆန်းသော ငှက်တစ်ကောင်ကိုတွေ့၍ သူ့မိန်းမကို မွေးနေ့လက်ဆောင်အဖြစ်ပေးရန် ငွေးငါးထောင်ဖြင့် ၀ယ်လိုက်သည်။ ထိုငှက်သည် အင်္ဂလိပ်စကား၊ ပြင်သစ်စကား၊ ဂျပန်စကားနှင့် ကိုရီးယားစကားများကို ပြောတတ်သည်။ ကိုညိုသည် ဆိုင်ရှင်အား ထိုငှက်ကို အိမ်သို့ပို့ပေးရန် မှာကြားပြီး ရုံးသွားလေသည်။
ညနေခင်းရုံးမှ အိမ်သို့ ပြန်ရောက်သောအခါ သူ၏မိန်းမကို ခရီးရောက်မဆိုက် မေးလိုက်သည်။
“ချစ်… မောင်ပို့လိုက်တဲ့ ငှက်ကလေး ရတယ်မဟုတ်လား”
“ရပါတယ် မောင်၊ အခု ဟင်းအိုးထဲမှာလေ”
ဟု အေးအေးဆေးဆေး ပြန်ပြောလိုက်သည်။
ကိုညိုတစ်ယောက် အလန့်တကြားဖြစ်သွားပြီး …
“ဘာပြောတယ်၊ မင်း … မင်းငှက်ကို ဘာလုပ်လိုက်ပြီလဲ၊ ဒီငှက်က ဘာသာစကား လေးမျိုးတောင် ပြောတတ်တာကွ”
ဟု ပြောချလိုက်သည်။
ထိုအခါ ကိုညို့မိန်းမ ပြန်ဖြေလိုက်ပုံက …
“ဟင်းချက်ဖို့ ပြင်ဆင်တုန်းက ဘာမှမပြောဘဲ ငြိမ်ခံနေပြီးတော့… ကြည့်ရတာ မြန်မာစကားကောင်းကောင်းမပြောတတ်လောက်ဘူး ထင်ပါရဲ့ မောင်ရယ်”
Friday, August 17, 2007
စကားတတ်လိုက်ပုံများ
Subscribe to:
Post Comments (Atom)
No comments:
Post a Comment