မိုးဖွဲဖွဲအောက်မှာ လက်တွဲလျှောက်ရင်း
ပျော်ရွှင်ခဲ့ရတဲ့ အချိန်တွေက
ခုတော့ ဘယ်ဆီမှာ ရောက်လို့နေပြီလဲ …
စံပယ်ပင်ဘေး အတူထိုင်ရင်း
ကြည်နူးခဲ့ရတဲ့ အချိန်တွေက
ခုတော့ ဘယ်ဆီမှာ ခိုအောင်းနေသလဲ …
ကိုယ့်ကို ချစ်ပါတယ်လို့
ပြောခဲ့တဲ့ မင်းနှုတ်ဖျားက စကားသံတွေက
ခုတော့ ဘယ်ဆီမှာ ရှောင်ပုန်းလို့ နေပြီလဲ …
တစ်သက်မခွဲ လက်တွဲသွားမယ်ဆိုတဲ့
ကတိသစ္စာစကားတွေက
ခုတော့ ဘယ်ဆီမှာ အိပ်စက်လို့ နားနေလဲ …
ဘာပဲဖြစ်ဖြစ်
ငါကတော့
မင်းပြောခဲ့တဲ့ ကတိစကားတွေကို
ဆက်လက်ယုံကြည်ရင်း
မင်းပြောခဲ့တဲ့ ချစ်ပါတယ်ဆိုတဲ့ စကားသံကို
ပြန်လည်ကြားယောင်ရင်း
မိုးဖွဲဖွဲအောက်မှာ လက်တွဲလျှောက်ခဲ့တဲ့ အချိန်တွေကို
ပြန်လည်သတိရရင်း
ငါတို့နှစ်ယောက် ကြည်နူးခဲ့ကြတဲ့
စံပယ်ပင်လေးဘေးမှာ
မင်းကို ထာဝရအမြဲ
မျှော်နေဆဲပါ …
ကောင်းကင်ပြာ
Sunday, September 9, 2007
ထာဝရ
Subscribe to:
Post Comments (Atom)
No comments:
Post a Comment